បាត់ដំបង ៖ រយៈពេល២ថ្ងៃ គិតចាត់ពីថ្ងៃទី២០-២១ ខែឧសភា ឆ្នាំ២០១០ នៅស្នងការដ្ឋាន នគរបាលខេត្តបាត់ដំបង និងនៅទីលានអាកាសយានដ្ឋាន បាត់ដំបង មានការបំពាក់បំប៉ន ជំនាញ បន្ថែមនិងចុះអនុវត្តផ្ទាល់ របស់កំលាំងការិយាល័យពន្លត់ បង្ការ អគ្គិភ័យខេត្តបាត់ដំបង ក្រោមការ បង្រៀនផ្ទាល់ពីកំលាំងការិយាល័យពន្លត់ បង្ការ អគ្គិភ័យខេត្តបាត់ដំបង ក្រោមការបង្រៀនផ្ទាល់ពី ក្រុមពន្លត់អគ្គិភ័យ នៃប្រទេសអូស្រ្តាលី ក្នុងនោះក៏មានការចូលរួមពីអគ្គនាយកដ្ឋានលោកស្នង ការ លោកស្នងការរង និងប្រធានការិយាល័យផងដែរ។
ប្រទេសអូស្រ្តាលី មិនត្រឹមតែជួយទៅលើការងារបច្ចេកទេសប៉ុណ្ណោះទេ ថែមទាំងជួយលើ សំភារៈជាច្រើនដូចជា សំលៀកបំពាក់ការពារភ្លើង ទុយោ ក្បាលបាញ់ និងសំភារៈផ្សេងៗជាច្រើន ទៀតដែលពាក់ព័ន្ធទៅនឹងការងារអគ្គិភ័យនេះ។ ម៉្យាងវិញទៀត សម្ភារៈមួយចំនួនដែលប្រើប្រាស់ពី មុន មានសភាពចាស់ៗ ត្រូវបានប្ដូរចេញនិងបំពាក់ថ្មីទាំងអស់ ដូចជាការផ្លាស់ប្ដូរក្បាលបាញ់ និង ទុយោតំរូវឲ្យត្រូវគ្នាទាំងអស់ ជៀសវាងរថយន្តម៉ាកផ្សេងគ្នា ត្រូវប្រើទុយោ និងសម្ភារៈផ្សេងគ្នា គឺវា អាចបង្កឲ្យមានការលំបាកនៅពេលយកមកប្រើប្រាស់ពេលហេតុការណ៍ណាមួយ កើតឡើងបន្ទាន់។
លោកវរៈសេនីយ៍ឯកផន សុភា នាយករងវិទ្យាស្ថាននៃបណ្ឌិតសភា និងជាអ្នកដឹកនាំគណៈ ប្រតិភូប្រទេសអូស្រ្តាលី បានមានប្រសាសន៍ថា បាត់ដំបង គឺជាខេត្តទី៩ នៅទូទាំងប្រទេសកម្ពុជា ដែលអូស្រ្តាលីចុះមកបំពាក់បំប៉នមុខជំនាញនេះ ហើយក្រុមការងារនេះនឹងបន្តចុះទៅខេត្តដទៃទៀត រហូតគ្រប់ខេត្ត ក្រុង ក្នុងគោលបំណងឲ្យនគរបាលផ្នែកជំនាញអគ្គិភ័យនេះ កាន់តែយល់ច្បាស់បន្ថែមទៀតទៅលើកំរិតនៃការយល់ដឹងពីមុនមក។ មិនត្រឹមតែប៉ុណ្ណោះ ការផ្លាស់ប្ដូរទុយោ នេះគឺ តម្រូវឲ្យមានលក្ខណៈស្ដង់ដារ ទៅលើរថយន្តពន្លត់ បង្ការ អគ្គិភ័យគ្រប់ប្រភេទ៕